சென்னை: நவம்பர் 22, 2024: இந்தியாவின் மிகப்பெரிய மேட்ரிமோனி (திருமண வரன் ஏற்பாடு) சேவை வழங்குனரான Matrimony.com ‘மெனி ஜாப்ஸ்’ என்ற ஆப் அறிமுகத்தின் மூலம் ஒரு புதிய பிசினஸ் பிரிவில் கால் பதித்துள்ளது. தமிழ்நாடு மாநிலத்தில் வேலைவாய்ப்பு தேடுபவர்களுக்கான பயனுள்ள ஒரு சேவையாக இருக்கும். சென்னை மாநகரில் இன்று நடைபெற்ற நிகழ்ச்சி ஒன்றில் மேட்ரிமோனி.காம் குழுமத்தின் தலைமை செயலாக்க அதிகாரி திரு. முருகவேல் ஜானகிராமன் முன்னிலையில் தமிழ்நாடு அரசின் மாண்புமிகு தொழில்துறை, முதலீடு ஊக்குவிப்பு மற்றும் வர்த்தகத் துறை அமைச்சர் டாக்டர். TRB ராஜா, இச்செயலியை அறிமுகம் செய்து தொடங்கி வைத்தார்.
தமிழ்நாடு அரசின் மாண்புமிகு தொழில்துறை, முதலீடு ஊக்குவிப்பு மற்றும் வர்த்தகத் துறை அமைச்சர் டாக்டர். T.R.B. ராஜா, இந்த ஆப் / சேவையை தொடங்கி வைத்து உரையாற்றுகையில், “மெனிஜாப்ஸ் இணையவாசல் சேவையை உருவாக்கி, அதன் வழியாக சேவையை வழங்குவதற்காக மேட்ரிமோனி.காம் நிர்வாகத்தை நான் மனமார பாராட்டுகிறேன். தமிழ் மற்றும் ஆங்கிலம் என இரு மொழிகளில் பயன்படுத்தக்கூடிய இச்சேவை, இதன் சிறப்பை மேலும் உயர்த்துகிறது. ஏனெனில், இந்த இரு மொழிகளிலும் தமிழ்நாட்டிலுள்ள மக்கள் நல்ல பரிச்சயம் உள்ளவர்களாக அவற்றைப் பயன்படுத்தும் திறன் கொண்டிருக்கின்றனர். இந்தியாவில் திறன்மிக்க பணியாளர்கள் அதிகம் இருக்கின்ற மற்றும் தொழிலகங்களுக்கு உகந்த முதன்மை மாநிலமாக தமிழ்நாடு இருப்பதாலும் மற்றும் அனைவருக்கும் வேலைவாய்ப்புகளை உருவாக்க வேண்டும் என்ற கூர்நோக்கத்தோடு தமிழ்நாடு அரசு செயலாற்றி வருவதாலும் இம்மாநிலத்தில் வேலைவாய்ப்பு விகிதத்தை அதிகரிப்பதற்கு இச்சேவை நல்ல பங்களிப்பை வழங்கும் என்று நம்புகிறேன். இந்தியாவில் பணியாற்றுகின்ற பெண்களில் ஏறக்குறைய 42% தமிழ்நாடு மாநிலத்தைச் சேர்ந்தவர்கள் என்பதால், பெண்களுக்கான வேலைவாய்ப்பு தளத்திலும் தமிழ்நாடு முதன்மை வகிக்கிறது. இம்மாநிலத்தில் வேலைவாய்ப்புகளை தேடி கண்டறியும் செயல்முறையை மேலும் எளிதாக்குவதற்கு மிகப் பொருத்தமான செயல்தளமாக இயங்க மெனிஜாப்ஸ் தளம் தொடங்கப்பட்டிருப்பது மகிழ்ச்சியளிக்கிறது.” என்று கூறினார்.
மேட்ரிமோனி.காம் குழுமத்தின் தலைமை செயலாக்க அதிகாரி திரு. முருகவேல் ஜானகிராமன், இந்த சேவையை அறிமுகம் செய்து கூறியதாவது: “தமிழ்நாட்டில் வேலைவாய்ப்பு துறையில் மெனி ஜாப்ஸ் என்ற செயலியை தொடங்குவதில் நாங்கள் மகிழ்ச்சியடைகிறோம். தமிழ் மற்றும் ஆங்கிலம் என இரு மொழிகளிலும் கிடைக்கப்பெறும் இந்த ஆப்/சேவை, தமிழ்நாட்டில் முன்னணி மற்றும் ஆரம்ப நிலை வேலை வாய்ப்புகளுக்காக பிரத்யேகமாக உருவாக்கப்பட்டிருக்கிறது. ரீடெய்ல், விற்பனை, வாடிக்கையாளர் சேவை, உற்பத்தி, ஹோட்டல் மற்றும் சுற்றுலாத்துறை போன்ற பல்வேறு தொழில் பிரிவுகளில் முன்னணி மற்றும் ஆரம்ப நிலை பணிகளை வழங்குவதற்காக பல்வேறு நிறுவனங்களோடு மெனிஜாப்ஸ் கூட்டுவகிப்பில் இணைந்திருக்கிறது. இச்சேவை தொடங்கப்பட்டதிலிருந்து, ஆறு மாத காலஅளவிற்குள் வேலைவாய்ப்பை தேடும் 10 இலட்சம் நபர்களுக்கு உதவுவதை மெனிஜாப்ஸ் செயல்தளம் இலக்காக கொண்டிருக்கிறது.”
மெனிஜாப்ஸ் ஆப்-இன் முதன்மை சிறப்பம்சங்கள்:
● அமைவிடத்தின் அடிப்படையில் வேலைவாய்ப்பு தேடல்: தாங்கள் விரும்புகின்ற நகரங்களில் வேலைவாய்ப்புகளை தேட பயனாளிகளுக்கு இது உதவி செய்கிறது.
● 100% சரிபார்த்து உறுதி செய்யப்பட்ட பணிகள்: அனைத்து நிறுவனங்களின் வேலைவாய்ப்புகளும் முழுமையாக ஆய்வு செய்து உறுதி செய்யப்பட்ட பின்பே வெளியிடப்படுகிறது.
● மனிதவளத்துறைக்கு (HR) நேரடியாக அழைக்கலாம் அல்லது குறுஞ்செய்தி மூலம் தொடர்பு கொள்ளலாம்: வேலை தேடுபவர்கள் விண்ணப்பித்த பிறகு ஹெச்ஆர் – க்கு தொலைபேசி அழைப்பு அல்லது குறுஞ்செய்தியின் வழியாக நேரடியாக தொடர்பு கொள்ளலாம்.
● இருமொழிகளில் செயல்படும் ஆப்: இந்த ஆப்-இன் அனைத்து அம்சங்களையும் தமிழ் மற்றும் ஆங்கிலம் என்ற இரு மொழிகளிலும் பயனாளிகள் எளிதாகப் பயன்படுத்தலாம்.
வேலைவாய்ப்பை தேடுபவர்கள் பிளே ஸ்டோரிலிருந்து மெனிஜாப்ஸ் (ManyJobs) ஆப் பதிவிறக்கம் செய்து கொள்ளலாம். https://play.google.com/store/apps/details?id=com.manyjobs
நிறுவனங்கள் வேலைவாய்ப்பு விவரங்களை குறிப்பிடுவதற்கு https://recruiter.manyjobs.com/register என்பதில் பதிவு செய்யலாம்.

About ManyJobs
ManyJobs is an exclusive job portal for frontline and entry-level jobs, featuring thousands of verified recruiters and job openings in fields such as retail, sales, customer support, manufacturing, hospitality, and more. Job seekers can apply to nearby jobs based on their preferred location and communicate directly with HR representatives. ManyJobs is available across Tamil Nadu.

For more details, visit https://www.manyjobs.com/
ManyJobs is part of Matrimony.com group India’s leading consumer Internet company
For more details, visit https://www.matrimony.com