சென்னை, 15 மார்ச் 2025: உயர் தரமான சிறுநீரக பராமரிப்பை வழங்க அர்ப்பணிக்கப்பட்ட தொண்டு நிறுவனமான KHI (Kidney Health India), தமிழ்நாட்டில் பொருளாதார ரீதியாக பின்தங்கியநோயாளிகளுக்கு உயிர் காக்கும் சிறுநீரக மாற்று அறுவை சிகிச்சை சேவைகளை வழங்குவதை நோக்கமாகக் கொண்ட அதன் மேம்பட்ட சிறுநீரக மாற்று அறுவை சிகிச்சை (Affordable Advanced Renal Transplant – aART) திட்டத்தை தொடங்குவதாக அறிவிப்பதில் பெருமிதம் கொள்கிறது. இந்த நிகழ்ச்சியை இன்று நமது மதிப்பிற்குரிய தலைமை விருந்தினர், நாடாளுமன்ற உறுப்பினர் திருமதி கனிமொழி கருணாநிதி அவர்கள் தொடங்கி வைத்தார்.

குறைந்த வருமானம் கொண்ட குடும்பங்கள், சிறுநீரக மாற்று சேவைகளை அணுகுவதைத் தடுக்கும் நிதி இடைவெளியைக் குறைக்க aART திட்டம் வடிவமைக்கப்பட்டுள்ளது. இந்த முன்முயற்சியின் மூலம், சிறுநீரக மாற்று அறுவை சிகிச்சையுடன் தொடர்புடைய அதிக செலவுகளை ஏற்க முடியாத, இறுதி நிலை சிறுநீரக நோயால் பாதிக்கப்பட்ட தனிநபர்களின் வாழ்க்கைத் தரத்தை மேம்படுத்துவதை KHI நோக்கமாகக் கொண்டுள்ளது.

aART திட்டத்தின் முதன்மை நோக்கம், தகுதி அளவுகோல்களை பூர்த்தி செய்யும் தனிநபர்களுக்கு மலிவு விலையில் உயிர் காக்கும் சிறுநீரக மாற்று அறுவை சிகிச்சைகளை வழங்குவதாகும், இதனால் அவர்கள் நிதி நெருக்கடி இல்லாமல் அவர்களுக்குத் தேவையான மருத்துவ கவனிப்பைப் பெற முடியும் என்பதை உறுதிசெய்கிறது.இந்தத் திட்டம் ஆரம்பத்தில் தமிழ்நாட்டில் வசிப்பவர்களுக்குக் கிடைக்கும், எதிர்காலத்தில் மற்ற பிராந்தியங்களுக்கும் விரிவுபடுத்துவதற்கான திட்டங்கள் உள்ளன.

நிகழ்ச்சியில் உரையாற்றும் போது, ​​நாடாளுமன்ற உறுப்பினர் திருமதி. கனிமொழி கருணாநிதி, “சுகாதாரச் செலவுகள் அதிகரித்து வரும் நேரத்தில், மிகவும் தேவைப்படுபவர்களுக்கு குறைந்தவிலையில் சிகிச்சையை வழங்குவதில் KHI-யின் உறுதிப்பாட்டைக் காண்பது மகிழ்ச்சியளிக்கிறது. தமிழ்நாட்டில் பொருளாதார ரீதியாக பின்தங்கிய குடும்பங்களுக்கு சிறுநீரக மாற்று அறுவை சிகிச்சையை அணுகக்கூடிய வகையில் குறைந்த விலையில் மேம்பட்ட சிறுநீரக மாற்று அறுவை சிகிச்சை திட்டம் தொடங்கப்பட்டது குறிப்பிடத்தக்க நடவடிக்கையாகும். இந்த முயற்சி, பாதிக்கப்படக்கூடிய மக்களின் வாழ்க்கையை மேம்படுத்துவதில் முக்கிய பங்கு வகிக்கும்”, என்றார்.

KHI–யின் அறங்காவலர் டாக்டர் பிரபு காஞ்சி கூறுகையில், “ஒருவரின் நிதி நிலையின் அடிப்படையில் மருத்துவம் ஒருபோதும் ஒரு சலுகையாக இருக்கக்கூடாது என்று நாங்கள் நம்புகிறோம். சமமான, உயர்தர சிறுநீரக பராமரிப்பை வழங்குவதற்கான நமது முயற்சிகளில் aART திட்டத்தின் தொடக்கமானது ஒரு மகத்தான தருணத்தைக் குறிக்கிறது. வழக்கமான செலவில் ஒரு பகுதியிலேயே இந்த சேவையை வழங்குவதன் மூலம், சிறுநீரக மாற்று அறுவை சிகிச்சையை, மிகவும் தேவைப்படும் மக்களுக்கு அணுகக்கூடியதாக நாங்கள் செய்கிறோம், மற்றும் நிதி நெருக்கடி காரணமாக யாரும் பின்தங்கியிருக்கவில்லை என்பதை உறுதி செய்கிறோம்”, என்றார்.

KHI–யின் அறங்காவலர் டாக்டர் கபாலி நீலமேகம் கூறுகையில், “இந்த திட்டத்தை செயல்படுத்த, மருத்துவமனைகள், மருந்து நிறுவனங்கள், தன்னார்வ தொண்டு நிறுவனங்கள் மற்றும் நன்கொடையாளர்கள் போன்ற பல்வேறு பங்குதாரர்களுடன் KHIஒத்துழைத்துள்ளது” என்றார்.

“KHI, நோயாளிகளை வழக்கமான இடைவெளியில் கண்காணித்து, அவர்களின் உடல்நிலை முன்னேற்றத்தை மதிப்பிடும், மேலும் அதன் செயல்திறன் மற்றும் ஒட்டுமொத்த தாக்கத்தை அளவிட, திட்டத்தை அவ்வப்போது மதிப்பீடு செய்யும்” என்று KHI–யின் ஆலோசகர் திருமதி சுபாஷாந்தினி கூறினார்.